Бишкек шаардык соту жазуучу Олжобай Шакирдин кармалышын мыйзамдуу деп тапты.

Жактоочу Бакыт Автандил уулу билдиргендей, экинчи инстанция Биринчи май райондук сотунун чечимин күчүндө калтырды.

Эскерте кетсек, жазуучу Олжобай Шакир 23-августта үйүнөн УКМКга алынып кетип, бир нече саатка созулган сурактан кийин 48 саат камакка алынган. 24-августта Биринчи май райондук соттун чечими менен ал 23-октябрга чейин камалган.

Олжобай Шакир кармалардан мурда Ысык-Көлдөгү 4 пансионаттын Өзбекстанга 49 жылга ижарага берилишине каршы экенин айтып чыккан. Ошондой эле 31-августта митинг уюштурууну ниеттенген.

Биздин Телеграм каналга катталыңыз