21–22-май күндөрү Швейцариянын Улуттук банкынын төрагасы Мартин Шлегель расмий сапар менен Кыргыз Республикасында болууда. Сапардын программасы КР Улуттук банкынын төрагасы Алмаз Бакетаев менен эки тараптуу жолугушуу менен ачылды. Анын жүрүшүндө тараптар республиканын каржылык жөнгө салуучу органынын дараметин өнүктүрүү жана банктар аралык өз ара аракеттенүүнү чыңдоо маселелерин талкуулашты.

Reporter.kg маалымкаты: Швейцария ата мекендик баалуу металлдын негизги сатып алуучусу бойдон калууда. Улуттук статкомдун 2026-жылдын январь–март айларындагы маалыматына ылайык, Швейцария Кыргызстандан экспорттолгон алтындын 100%ын (16,2 млн доллар суммасындагы 99 кгга жакын) сатып алган.

Сүйлөшүүлөрдүн жүрүшүндө борбордук банктардын жетекчилери мындан аркы стратегиялык өнөктөштүктүн маанилүүлүгүн ырасташты. Тараптар банктык көзөмөл, адистердин квалификациясын жогорулатуу жана узак мөөнөттүү финансылык туруктуулукту камсыз кылуу чөйрөсүндөгү кызматташтыкты кеңейтүүнү көздөшүүдө.