Сокулукта жол тандабастын айдоочусу эки окуучу кызды сүзүп кетти. Бул тууралуу Болот Ибрагимов Telegram баракчасына билдирди.

Маалыматта кыздар соккудан учуп кетип, кичи автобустун астында калганы айтылат.

Бул маалыматты УКМКнын басма сөз кызматы тастыктады. Кырсык кечээ саат 7.20да Сокулуктун борборунда болгон. Toyota Land Cruiser унаасынын айдоочусу окуя болгон жерден качып кеткен.

«Бир нече убакыттан кийин Сокулук РИИБнин жол кайгуул кызматкерлери айдоочуну кармашып, кошумча иликтөө иштерин жүргүзүү үчүн тергөө тобуна өткөрүп беришти. Унаа убактылуу кармоочу жайга киргизилди», – деп билдирди басма сөз кызматы.

Жабыркаган 14-15 жаштар чамасындагылар аймактык ооруканага жаткырылды.