Жакынкы 3-4 жылда Кыргызстандын бюджети триллион сомго жетиши керек. Бул тууралуу УКМКнын төрагасы Камчыбек Ташиев жергиликтүү телеканалдардын бирине курган маегинде билдирди.
Анын айтымында, 2 жыл мурда азыркы бийлик өлкөнү жетектеп баштаганда бюджет 180 млрд сомдун тегерегинде болгон.
«Кийинки жылы 300 миллиардга чыкты. Быйылкы жылы 400 миллиарддан ашабыз деп жатабыз. Келерки жылы 500-600 миллиардга чыгабыз. Президент коюп жаткан талап боюнча, жакынкы 3-4 жылдын ичинде биздин бюджет триллионго чыгыш керек. Ал мындан эки жыл мурдагы бюджеттен 5 эсе көп болот дегенди билдирет», — деди ал.
Бардык жаңылыктар Телеграм каналда
