Токмоктун жанындагы айланма жолдо Нарын-Бишкек каттамы менен бара жаткан “Мерседес-Бенц” үлгүсүндөгү кичи автобус кырсыкка учурады. Бул Чүй облустук ички иштер башкы башкармалыгынын басма сөз кызматы билдирди.

«Унаанын арткы оң дөңгөлөгү жарылып, тайгаланып, сол капталына оодарылып кеткен. Ичинде айдоочу жана 11 жүргүнчү болгон», – деп билдирди Чүй облустук милициясынан.

Алдын ала маалыматтарга караганда, эки жүргүнчү медициналык жардамга муктаж болуп, алар Токмок ооруканасына жеткирилген.

Окуя боюнча иликтөө иштери башталды.