20-сентябрь саат 08:30га карата кыргыз-тажик мамлекеттик чек арасынын Баткен облусундагы жана Ош облусунун Чоң-Алайдагы тилкесиндеги кырдаал салыштырмалуу туруктуу деп мүнөздөлөт. Бул тууралуу УКМКнын Чек ара кызматы билдирди.

Маалыматка караганда, 20-сентябрга караган түн тынч, окуясыз өттү. Чек ара кызматынын бөлүмдөрү күчөтүлгөн режимде кызмат өтөөнү улантууда.

Кыргызстан менен Тажикстандын делегацияларынын ортосундагы сүйлөшүүлөрдүн жыйынтыгы боюнча тараптардын жумушчу комиссиялары кырдаалды деэскалациялоо жана кошумча күчтөрдү жана каражаттарды чыгаруу боюнча эрте келишимдердин аткарылышын текшерүү боюнча иш-чараларды улантат.

Жумушчу комиссиялар жыйындын жүрүшүндө кабыл алынган сунуштарды жана чечимдерди да карайт.

Биздин Телеграм каналга катталыңыз