Бүгүн, 14-майда Түркияда президенттик жана парламенттик шайлоо өтүүдө.

Шайлоо тилкелери эртең мененки саат 08:00до иштей баштаган, алар 17:00до жабылат. Шайлоочулардын жалпы саны 64,1 миллионду түзөт. Алардын ичинен 3,4 млн адам чет өлкөдө жүрөт. Чет өлкөдөгү шайлоочулар үчүн добуш берүү мөөнөтү 9-майда аяктаган.

Президенттик шайлоодо үч талапкер ат салышууда. Алардын катарында азыркы президент Режеп Тайип Эрдоган, оппозициялык Элдик-республикалык партиянын лидери Кемал Кылычдароглу жана АТА альянсынан Синан Оган бар.

Мындан мурдараак дагы бир талапкер – “Мекен” партиясынын төрагасы Мухаррем Инже президенттик жарыштан чыкканын билдирген.

Биздин Телеграм каналга катталыңыз