Жалал-Абаддын Ала-Бука районунда “беспредельщик” атыккан жаран кармалды. Бул тууралуу УКМКдан билдиришти.

Атайын кызматтын маалыматы боюнча, шектүү катары кармалган 53 жаштагы О.А. аттуу жаран мурда бир нече жолу соттолгон: бейбаштык үчүн 4 жолу жана киши өлтүрүү үчүн 1 ирет. Ал өзүн криминалдык авторитет катары көрсөтүп, ишкерлерди ур-токмокко алып жүргөн. Бул боюнча жабырлануучулар УКМКга кайрылган.

Ал 1-апрелде кармалган. УКМК билдиргендей, шектүүнүн үйүндө тинтүү жүргүзүлүп, уруксат документтери жок сакталган курал табылып алынган.

Учурда тергөө иштери жүрүп жатат.

УКМК шектүүнүн кылмыштуу аракеттеринен жабыркагандар болсо, 0995 012 210 номерине кайрылуусун өтүнөт.