20 жаштагы түбү кыргызстандык Украинадагы согушта каза болгон. Бул тууралуу 24.kg агенттигине анын жакындары билдирди.

Маркумдун бир тууганынын айтымында, жакын арада сөөк Ысык-Көл районунун Кара-Ой айылына жеткирилет.

«Ал Орусиянын жараны болгон. Кыргызстанда туулуп-өскөн. Мен 2021-жылы Орусияга баргам. Норильскиде армияга чакырылып, аскердик кызматын өтөп жүргөн.  Бизге ал 8-мартта каза болгонун айтышты, бирок, маалыматты  13-мартта жарыялашты. Бизге орус тарап сөөктү жеткирет деп айтышкан. Азыр көр казып жатабыз», – деди ал.

24-февраль күнү Орусия менен Украинаны ортосунда жаңжал башталган. Эки трап тең оор жоготууга учурап жатканы айтылууда.