Валентина Шевченко UFCнин кыз-келиндер рейтингинде бардык салмак категориясы боюнча биринчи орунга чыкты. Ал бул рейтингге биринчи жолу көтөрүлдү.

Сентябрда спортчу эң жеңил дивизиондо америкалык Лорен Мерфини жеңип, алтынчы ирет чемпиондук курун коргогон. Өткөн жылы Шевченко консолидацияланган рейтингде экинчи орунда турган.

Рейтингде экинчи орунду Роуз Намайунас ээлесе, Аманда Нуньес үчүнчү орунга түштү.