Ысык-Көлдүн Чолпон-Ата шаарында Lexus менен Honda Stepwgn унааларынын катышуусунда жол кырсыгы болду. Бул тууралуу облустагы Жол кыймылынын коопсуздугун камсыздоо бөлүмүнөн билдиришти.
Алдын ала маалымат боюнча, жол кырсык 29-апрелде болжол менен саат 10:30да Балыкчы – Ананьев – Каракол жолунда болгон. Honda Stepwgn унаасын 47 жаштагы Б.А. аттуу Чолпон-Ата шаарынын жашоочусу (аял киши) жана Lexus’ту 28 жаштагы Т.К. аттуу Бишкектин тургуну айдап бара жаткан.
Кырсыктын кесепетинен Honda Stepwgn’дун айдоочусу ооруканага жеткирилген.
Биздин Телеграм каналга катталыңыз
