Бүгүн, 27-апрелде Жогорку Кеңештин жыйынында депутат Нуржигит Кадырбеков (Ыйман Нуру) аз камсыз болгон жана муктаж үй-бүлөлөргө бериле турган жөлөк пул маселесин көтөрдү.
Анын айтымында, кээ бир үй-бүлөлөргө жөлөк пул негизсиз кыскартылган.
“Кайын ата, кайын энең менен чогуу жашайт экенсиңер, алар пенсия алышат деп төрт, беш балалуу үй-бүлөгө бериле турган жөлөк пулду кыркып салышыптыр. Кандай негизде жөлөк пул жокко чыгарылат? Үйүңдө уй, телевизор, унааң бар экен деп жөлөк пулду кыскартып салышат экен. Ушул боюнча тиешелүү ведомстволор маалымат берип коюшсун”, — деп нааразы болгон депутат жөлөк пул кандай критерийлер менен бериле турганы боюнча түшүндүү керектигин белгиледи.
Биздин Телеграм каналга катталыңыз
