Ысык-Көл облусунун Ѳрнөк айылында 22-24-июль күндөрү “Ак-Мөөр Fest – 2022” этнофестивалы өтөт. Бул тууралуу Маданият, маалымат, спорт жана жаштар саясаты министрлигинин басма сөз кызматы билдирет.

Маалыматка караганда, фестиваль кыргыз кыздарын даңазалоо, кадыр-баркын жогорулатуу, улуттук баалуулуктарды чагылдыруу максатында өтөт.

Иш-чара аталган министрликтин колдоосу менен “Кыргыз Биримдиги” коомдук бирикмеси тарабынан уюштурулууда.