Ысык-Көлдүн Жыргалаң айылында Чехиянын 4 жаранын кар көчкү басып калып каза болду. Бул маалыматты Reporter.kg’ге облустук милициядан ырасташты.

Маалыматка караганда, 23-февралда Жыргалаң айылына Чехиядан 23 турист эс алууга келген. 25-февралда 19 турист айылдагы тоого лыжа тепкени чыккан. Алар тоодон түшүп келе жатканда кар көчкү түшүп, төртөөнү кар басып калып каза болгон. Калган 15 турист бири-бирине жардам берип, аман калган.