Ысык-Көлдө орусиялык туристтердин жоголуп кеткен 4 жашар баласы табылды. Бул тууралуу ИИМдин басма сөз кызматы билдирди.
Маалыматка караганда, окуя 19-июлда саат 14:30 чамасында Ысык-Көл облусундагы “Алтын-Көл” эс алуу жайында болгон.
Ошол учурда кызмат өтөп жүргөн ИИМдин Атайын багыттагы полкунун 2-батальонунун кызматкерлери, милициянын старшинасы Санжар Эшалиев менен прапорщик Максат Болотбековго Орусиядан келген туристтер 4 жашар баласын жоготуп алгандыгын айтып, жардам сурап кайрылган.
Ошол замат полктун кызматкерлери эс алуу жайдын айланасын издешип, баланы таап, аман-эсен ата-энесине өткөрүп беришкен.
Милиционерлердин ыкчам аракетине туристтер ыраазычылык билдирди.
Биздин Телеграм каналга катталыңыз
