Балбан кыз Айпери Медет кызы Zagreb Open рейтингдик мелдешинде 76 кг салмакта жеңүүчү болуп, бул турнирден Кыргызстандын куржунуна экинчи алтын байгени алып берди.
Айпери Медет кызы таймашты 1/16 финалдан баштаган. Алгачкы эки беттешинде ал россиялык Рита Талисманова менен канадалык Жюстина Ди Стасионун далысын килемге басып, таза жеңишке жеткен. Чейрек финалда америкалык Аделина Грейди 10:0 эсебинде уткан. Финалга чыгуу үчүн франциялык Полин Лекарпантье менен күч сынашып, атаандашын 5:0 эсебинде жеңип алды.
Алтын үчүн кармашта ал кытайлык Хуан Ван кез келип, аны 2:1 эсебинде утту.
Айпери Медет кызынын жеңиши Кыргызстандын куржунуна Zagreb Open рейтингдик мелдешиндеги экинчи алтын байгени алып келди. 12-январда 62 кг салмакта Айсулуу Тыныбекова да алтын медаль уткан.
Хорватияда өтүп жаткан бул мелдеш 10-январда башталган, 14-январь жыйынтыкталат.
Сүйүнчү! Тыныбекова Хорватиядагы мелдештин алтын байгесин утту (видео)
