Айлыгы аз болгон үчүн бардык прокуратура кызматкерлерине ата-энелери жардам берет. Бул тууралуу башкы прокурор Өткүрбек Жамшитов парламент жыйынында айтты.

Депутат Тазабек Икрамов “айлык аз болгон үчүн прокуратура кызматкерлерин коррупциялык иштерге түртүп жаткан жокпузбу?” деген суроо берди.

“Убагында прокуратура кызматкерлери 200-300 сомдон айлык алып, батирде ижарага жашап жүрүшкөн. Баарыбызга ата-энелерибиз жардам берет. Мен ушинтип ойлойм. Коррупцялык иштерге аралашкан кызматкерлерге аёсуз күрөшөбүз”, – деп жооп берди Жамшитов депутаттын суроосуна.

Белгилей кетсек, Жогорку Кеңеш бүгүн башкы прокурор Өткүрбек Жамшитовдун былтыркы жылга карата отчетун угуп,  “канааттандырарлык” деген баа берди.