Жаңы Жер кодекси кабыл алынса, өлкөдөгү жайыт комитеттери жоюлат. Бул тууралуу айыл чарба министринин орун басары Кубат Касейинов Жогорку Кеңештин Конституциялык мыйзамдар, мамлекеттик түзүлүш, сот укук маселелер боюнча комитетинин жыйынында билдирди.
Касейиновдун айтымында, жайыт комитеттери жоюлгандан кийин жайыт жерлер жергиликтүү бийликтин карамагына өтүп, муниципалдык ишкана түзүлөт. Жайыттагы малдын башына төлөнгөн акыны аталган ишкана чогултат.
Комитет Жер кодексинин долбоорун биринчи окууда жактырды.
