Кыргызстан «Камбар-Ата-1» ГЭСин курууга карыз алууга даяр. Бул тууралуу президент Садыр Жапаров кезектеги маегинде билдирди.
Ал гидроэлектрстанция курулуп бүткөндөн кийин чыгымдарын тез эле актарын белгилейт.
“Ал 12-13 жылда эле актайт. Андан кийин «Токтогул» ГЭСи сыяктуу өмүр бою мамлекетке пайда алып келет”, — дейт Садыр Жапаров.
Ал эми «Кытай-Кыргызстан-Өзбекстан» темир жолунун курулушуна карыз алынбайт.
“Ага өтө чоң сумма керектелет. Бул долбоор өзүн 35-40 жылда актайт. Бул долбоорду сырттан карыз алуу жолу менен эмес, башкача жол аркылуу ишке ашыруунун жолун издеп жатабыз. Кудай буюрса, бул маселени да чечебиз. Темир жолду курууну жакынкы убакта баштайбыз”, — дейт Садыр Жапаров.
Биздин Телеграм каналга катталыңыз
