Министрлер кабинетинин төрагасы Акылбек Жапаров билим берүүнүн сапатына көңүл бөлүүгө чакырды. Бул тууралуу ал Ош облусунда ыйгарым укуктуу өкүлчүлүктүн коллегиялык жыйынында айтты.

“Бизде эң негизги инвестиция билимге, келечек муунга болушу керек. Биздин эң чоң байлыгыбыз-элибиз. Мектептерди  жаңылап, мугалимдердин айлыгын көтөрөлү деп аракет көрүп жатабыз, эми мектептеги билим сапатына ар бир облустук жана райондук жетекчилер катуу көңүл бөлүүнү талап кылабыз”-деди Акылбек Жапаров.