Бишкекте жолдорду кеңейтүү: 13 тилкенин ээсине 40,7 млн сом бөлүндүБишкекте жасалма интеллект, финансы жана блокчейн боюнча эл аралык форум өтөтМанас шаарында курулуп жаткан жаңы муниципалдык базар декабрда ишке берилетКыргызстан менен Вьетнамдын курамалары бүгүн жолдоштук беттеш өткөрөтКыргызстандын эл артисти Роза Аманова Түркияда эл аралык сыйлыкка татыдыМинистрлер Кабинети парламентке 2027-жылдын бюджетинин долбоорун тааныштырды
Кыргызстанда жаш манасчылардын республикалык кароо-сынагы өтөт
07.10.2026 | 13:11

Кыргызстанда 30 жашка чейинки манасчылардын республикалык кароо-сынагы өткөрүлөт. Иш-чара Манасчы Мамбет Чокмор уулунун 130 жылдыгына карата Кыргыз улуттук «Манас» театры тарабынан уюштурулууда.
Маданият министрлигинин маалыматында, сынактын максаты манасчылык өнөрдү өнүктүрүү жана жаш айтуучулардын чыгармачылыгын колдоо болуп саналат.
Таймаш эки айлампада өтөт:
- Биринчи айлампа 12-октябрда саат 09:00дө Кыргыз улуттук «Манас» театрында уюштурулат. Катышуучулар эркин темада 3–5 мүнөт «Манас» айтышат.
- Экинчи айлампа 22-октябрда саат 09:00дө Ысык-Көл облусунун Тоң районундагы Бөкөнбаев айылында өтөт. Бул баскычта катышуучулар билет аркылуу берилген тема боюнча 3–5 мүнөт өнөрлөрүн көрсөтүшөт.
Сынактын жеңүүчүлөрү калыстар тобу тарабынан аныкталат. Упайлар тең чыккан учурда кошумча суроолор берилет. Жеңүүчүлөргө байгелер жана белектер тапшырылат.
Рубрики: Жаңылыктар, Маданият