Тышкы иштер министри Жээнбек Кулубаев Ашхабад шаарында Түркмөнстандын президенти Сердар Бердымухамедов менен жолугушту. Бул тууралуу аталган министрликтен билдиришти.

Жолугушууда эки өлкөнүн кызматташтыгы талкууланган.

“Жолугушуунун жүрүшүндө түркмөн лидери соода-экономика, инвестиция жана маданий-гуманитардык чөйрөдө эки тараптуу мамилелердин өнүгүүсүнө жеке колдоосун көрсөтүүгө даяр экендигин билдирди”, – деп айтылат маалыматта.

Эскерте кетсек, Жээнбек Кулубаев 1-ноябрда Ашхабадда өткөн тышкы иштер министрлеринин деңгээлиндеги «Борбор Азия – Корея Республикасы» форумуна катышкан.