Ысык-Көл облусунун Жети-Өгүз районунун административдик борборунда кулпунайды кабыл алуу пункту ачылды. Бул тууралуу Айыл чарба министрлиги билдирди.

Эми дыйкандар өз түшүмдөрүн аталган жайга өткөрүп берип, аны экспортко жөнөтө алышат.

Маалыматка ылайык, учурда аталган жайда кулпунайды 260-290 сомдон, ал эми майдасын 70 сомдон кабыл алышууда.

Кулпунайды кабыл алуучунун байланыш номуру: +996 502 805 676 (Нурболот)

Министрлик айыл чарба өндүрүүчүлөрүн колдоо жана продукцияны сатуунун туруктуу каналдарын камсыз кылуу багытындагы иш-чараларды улантарын билдирди.