Жогорку Соттун Конституциялык палатасынын төрагасы Карыбек Дүйшеев отставкага кетти. Бул тууралуу президенттин Жогорку Кеңештеги өкүлү Алмасбек Абытов парламенттин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетинин жыйынында билдирди.

Мамлекет башчысы Садыр Жапаров депутаттардан Карыбек Дүйшеевдин өз арызы боюнча ыйгарым укуктарын токтотуу тууралуу берген арызына ылайык, анын отставкасын кабыл алууну суранды.

Алмасбек Абытов Жогорку Соттун төрайымы Нургүл Бакирова да кызматтан кетүү боюнча арыз жазганын билдирди.