Министрлер кабинетинин төрагасы Акылбек Жапаров үч ай сайын Германияга барып турат. Бул тууралуу элчи Өмүрбек Текебаев Facebook баракчасында билдирди.

“Акча кай жерде бар экенин билет”, – деп жазды элчи.

Өмүрбек Текебаевдин маалыматында, 8-ноябрда Гамбург шаарында өткөн кыргыз-герман ишкелер форуму жыл сайын өтүп турат.

“Кыргызстанды таанытуу, ага ишенимди күчөтүү үчүн Акылбек Жапаров ар квартал сайын Германияга келип, федералдык, жергилуктуу бийлик өкүлдөрү жана немис бизнесинин өкүлдөрү менен жолугуп турмакчы.  Форумдун жүрүшүндө ондон ашык келишимдерге кол коюлду. Келишимдерде кыргыз айыл чарба, женил өнөр жай продукцияларын жана эмгек ресурстарын герман рыногуна тартуу каралды”, – дейт ал.

Биздин Телеграм каналга катталыңыз