Кыргызстандын эмгек сиңирген артисти, атактуу ырчы Мирбек Атабековго Казакстандын Алматы шаарында “Борбор Азиянын жылдызы” сыйлыгы тапшырылды.

Аталган наам Атабековго Казакстандын «Кызык Times» телеберүүсүнүн жыл аягындагы сыйлык берүү аземинде тапшырылды.

Атабеков “Борбор Азиянын жылдызы” сыйлыгын алгач ирет алып жаткан айтып, боордош элге ыраазычылыгын билдирди.

“Чоң рахмат. Мен Кыргызстанда да мындай наамды ала элекмин, эч ким бере элек”, – деген ырчы сыйлыкты Алматыда алып жатканына кубанычта экенин айтты.

Иш-чаранын алып баруучулары Казакстандагы атактуу ырчылар Мирбек Атабековдун ырларын аткарып жүргөнүн белгилеп өтүштү.