Борбордук шайлоо комиссиясынын маалымат жыйынында журналисттер бүгүн, октябрдагы шайлоо процессинин жүрүшүндө мыйзам бузуулар катталган же катталбаганы тууралуу ИИМдин жана БШКнын өкүлүнө суроо узатышты.

Ага азырынча бүгүнкү мыйзам бузуулар боюнча маалымат жок деген жооп узатылды.

Мына ушуну менен катар журналисттердин бири “айрым саясий партиялар шайлоочуларга белги коюлган беткаптарды берип аларга шайлоо участкаларында даяр бюллетень берилип жатыптыр ушул тууралуу маалымат барбы” деп суроо узатты.

Бул маалымат тууралуу аларда кабар болбогондугун айтып, тактап жазып алган БШК жана ИИМ өкүлү аталган факты боюнча иликтөө жүрөөрүн билдиришти.