Бишкек – Ош жолундагы кырсык алты адамдын өмүрүн алды. Reporter.kg′ге Жалал-Абад облустук ЖККБ бөлүмүнөн билдиришкендей, жол кырсык Ош—Бишкек унаа жолунун 374-чакырымында, тактап айтканда Кара-Көл шаарынын аймагында 19-ноябрда саат 10:00 чамасында катталган.
Кадамжай районунун 1969-жылы туулган тургуну А.Ж башкарып бара жаткан “Форд Транзит” унаасы Кара-Суу районунун 1992-жылы туулган тургуну Н.А, башкарып бара жаткан жүк ташуучу унаа кагышкан.
Жол кырсыктын кесепетинен “Форд Транзит” унаасындагы 6 адам каза болгон:
— 1972-жылы туулган Г.Г.
— 1994-жылы туулган М.уулу Р.
— 1967-жылы туулган Ш.С.
— 1972-жылы туулган И.Ш.
— 1969-жылы туулган А.Ж. (айдоочу)
— Дагы бир аялдын өздүгү аныкталууда.
Ушул эле унаада бара жаткан 2003-жылы туулган С.М, 1993-жылы туулган М.уулу А., 1995-жылы туулган Н.А. Фергана өрөөнүнүн тургундары болушкан. Алар ооруканага жеткирилген.
Биздин Телеграм каналга катталыңыз
