Гиннесстин рекорддор китебине төрт жолу кирген Чхве Чан Хен майыптар үчүн шаардык реабилитациялык борборго барды. Бул тууралуу Бишкек шаардык мэриясынын басма сөз кызматы билдирди.

Түштүк Кореянын тургуну майыптар арабасы менен көп километр аралыкты басып өтүп атактуу болгон. Чхве Чан Хен Ысык-Көлдү кыдырып, борбордун конокторуна өзүнүн өмүр жолу, ийгиликтери жана жетишкендиктери тууралуу айтып берди.

Маалым болгондой, Шаардык реабилитациялык борбор күн сайын борбор калаада жашаган 100 мүмкүнчүлүгү чектелген адамды тейлейт.