Бишкек шаарынын дүкөндөрүнүнүн бирине уурулукка кирген шектүүлөр кармалды. Бул тууралуу Ички иштер министрлигинен билдиришти.
Маалыматка караганда, ИИМдин күзөт кызматынын кайтаруусунда турган Бишкектеги «Космос» дүкөнүнүн ээси видеобайкоодон 2 жаран дүкөндүн ичинен товарларын уурдап жатканын байкап, айгай баскычын баскан.
Ошол замат, милициянын ыкчам тобуна «айгай» белгиси берилип, алар окуя жерине чыккан.
Ыкчам топ окуя жерине барганда, «Космос» дүкөнүнүн ичинен 2 жаран милиция кызматкерлерине каршылык көрсөтүп, качууга аракет кылышкан. Бирок алар кармалып, Биринчи май райондук милиция бөлүмүнө жеткирилген.
Биздин Телеграм каналга катталыңыз
