Бишкекте тоноого шектүү кармалды. Бул тууралуу Ленин райондук милициясынан билдиришти.
Маалыматка караганда, былтыр 10-сентябрда Бишкектин Ахунбаев менен Тыналиев көчөлөрүнүн кесилишинде белгисиз жаран шаар тургунуна күч колдонуп, 40 миң сомдук iPhone 11 телефонун тартып алган.
Аталган фактыша байланыштуу кылмыш-жаза кодексинин 206-беренеси (тоноо) боюнча кылмыш иши козголгон.
Ыкчам-тергөө иштеринин натыйжасында шектүү катары 32 жаштагы А.А. аттуу жаран кармалган. Ал убактылуу кармоочу жайга камакка алынган.
