Бүгүн Улуттук коопсуздук боюнча мамлекеттик комитеттин кызматкерлеринин балдары үчүн “Алтын балалык” мектепке чейинки билим берүү мекемеси ачылды. Бул тууралуу мекемеден билдиришти.
Маалыматка караганда, анын курулушу президенттин резервдик фондунан каржыланды.
220 орундуу имарат эки кабаттан турат. Ичинде бардык тийиштүү шарттар каралып, керектүү эмеректер менен жабдылган. “Алтын балалыкта” 2,5 жаштан жогорку мектепке чейинки жаш курактагы балдар тарбияланышат.
Белгилей кетсек, буга чейин Бишкектеги №58 «Жылдыз» бала бакчасы УКМКга караштуу экени кабарланган.
Өткөн жылдан бери коопсуздук комитети баардык аймактардагы өзүнүн имараттарын жаңылоодо.
Биздин Телеграм каналга катталыңыз
