2025-жылдын алгачкы алты айында Кыргызстандагы өнөр жай өндүрүшүнүн көлөмү 238,2 млрд сомду түзүп, өткөн жылдын ушул мезгилине салыштырмалуу дээрлик 10%га өскөн. Бул тууралуу “Акчабар” каржы порталы жазды.

Маалыматка ылайык, өсүү айрыкча фармацевтика, тамак-аш өнөр жайы жана курулуш материалдарын чыгаруу тармактарында болгон.

Жалпы көлөмдүн жарымынан көбүн ээлеген металлдар жана металл буюмдары өнөр жай өндүрүшүнүн лидери болгон. Экинчи орунда тамак-аш өнөр жайы, тактап айтканда, тамак-аш, суусундуктар жана тамеки өндүрүшү турат. Алдыңкы үчтүккө курулуш материалдары, анын ичинде цементти өндүрүү, ошондой эле пластик жана резина буюмдарын өндүрүү кирген.