2021-жылдын 28-30-апрелинде жана 2022-жылдын 14-17-сентябрында Баткен облусунда Тажикстандын куралдуу кол салуусунун натыйжасында каза болгондордун жана жабыркагандардын үй-бүлөлөрүнө берилчү жөлөк пулдун көлөмү жогорулатылат.
Тиешелүү мыйзам долбоору Жогорку Кеңештин 29-июнундагы жыйынында экинчи жана үчүнчү окууда кабыл алынды.
Учурда кыргыз-тажик чек арасында жабыркаган 77 адам жөлөк пул алат. Эми жөлөк пулдун көлөмү 3700 сомдон 5500 сомго чейин көтөрүлөт.
Алдын ала маалыматтар боюнча, 2022-жылдагы окуялардын натыйжасында 67 жабырлануучуга 5500 сомдон жөлөк пул берилет.
Биздин Телеграм каналыбызга катталыңыз
