Тажик аскерлеринин аткылоосунан 11 жаштагы бала да жарадар болгонун саламатык сактоо министрлиги билдирди.

Ал учурда Лейлек районунда ооруканада орточо оор абалда жатат. Далысына жана жаагына октун чачырандылары тийген.

Кыргыз-тажик чегиндеги жаңжалдан улам жарадар болгондордун саны беш адамга жетти.

Алардын экөө аскер кызматкери.

Эскерте кетсек, бүгүн, 14-сентябрда кыргыз-тажик чек арасындагы Булак-Башы тилкесинде чыр чыккан. Ок атышуунун айынан кыргызстандык эки аскер кызматкери жараат алды. Андан кийин саат 14:00дөрдө Тажикстандын чек арачылары Как-Сай жергесиндеги «Достук» тозотуна ок чыгарып, ок атышуу 14:40та токтогон. Ошондой эле «Самаркандек» тозотунда да саат 15:08де ок атышуу башталып, саат 16:00гө карата токтогон.

Биздин Телеграм каналга катталыңыз