Чүйдүн Сокулук районундагы Пригородное айылына жакын талаадан жаңы төрөлгөн эркек ымыркайдын сөөгү табылды. Бул тууралуу облустук милициядан билдиришти.
Ымыркайдын сөөгү 31-мартта табылып, ал тууралуу маалымат милицияга саат 22:09да түшкөн.
Аталган факт каттоого алынып, сотко чейинки өндүрүш иши башталган. Анын алкагында тиешелүү соттук-укуктук экспертизалар дайындалган.
Учурда милиция ымыркайдын энесин издөө иштерин жүргүзүүдө.
Териштирүү ишинин жыйынтыгы менен мыйзамга ылайык чечим кабыл алынат.
