Жайыл районунда жасалма айдоочулук күбөлүк менен жүргөн жаран кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.
«12-ноябрь күнү инспекторлор тарабынан 33 жаштагы Э.М. башкарып бара жаткан унаа токтотулган. Ал көрсөткөн айдоочулук күбөлүктүн аныктыгы шек жараткан. Соттук-медициналык экспертиза дайындалган. Аталган факты боюнча КР Кылмыш-жаза кодексинин 379-беренеси (документтерди жасалмалоо) менен кылмыш иши козголду», — деп айтылат маалыматта.
Экспертиза күбөлүктүн жасалма экенин тастыктаган. Документ струйный принтерде басылган экен. Кылмышка шектүүгө айып тагылды. Учурда тергөө иштери уланууда.
Телеграм каналыбызга катталыңыз
