Зордуктоого шектелген жаран кармалды, деп билдирди бүгүн, 5-сентябрда Чүй облустук ички иштер башкы башкармалыгынын басма сөз кызматы.
26 жаштагы жабырлануучунун айтымында, 3-сентябрда саат 22:30дар чамасында таанышы аны чачынан кармап, Ак-Суу айылындагы эски кирпич заводуна сүйрөп барган. Шектүү аны ошол жерден зордуктаган.
Бул факт КР Кылмыш-жаза кодексинин 154-беренеси («Зордуктоо») менен катталган. Милиция кызматкерлери тарабынан кылмышка шектүү 1985-жылы туулган М.Н.У. кармалып, убактылуу кармоочу жайга киргизилген.
Учурда тергөө иштери жүрүп жатат.
Бардык жаңылыктар Телеграм каналда
