Жогорку Кеңештин жыйынында депутат Дастан Бекешев мектеп формасына коюлган талаптарды кайра карап чыгууну сунуштады.

Ал өткөн жумада Министрлер кабинетинин төрагасы чиновниктерге костюмсуз жүрүүгө уруксат бергенин эске салып, ушундай эле жеңилдиктерди окуучуларга да берүү керектигин айтты.

Посмотреть эту публикацию в Instagram

Публикация от Reporter.kg (@reporter_kg)

Депутаттын айтымында, мектеп формасы балдар үчүн жайында да, кышында да, күзүндө да, жазында да ыңгайсыз.

«Эмне үчүн чиновниктерге жеңилдик берилди, ал эми кичинекей балдарга берилбейт? Келгиле, мектеп окуучуларына да ушундай жеңилдиктерди берели», — деди Бекешев.

Ал бул маселе буга чейин Агартуу министрлигинде талкууланганын айтып, талкууга Маданият министрлигин жана башка мекемелерди да тартууга чакырды.