Бокс боюнча дүйнө чемпиону Дмитрий Бивол Ысык-Көлгө суу-мотордук спорт боюнча UIM F1H2O Кыргызстандын Гран-присинин расмий амбассадору катары учуп келди. Бул тууралуу Reporter.kg басылмасынын кабарчысы билдирди.

Посмотреть эту публикацию в Instagram

Публикация от Reporter.kg (@reporter_kg)

Күндүн экинчи жарымында спортчу Бает айылындагы трибуналарга барып, «Формула-1» суу-мотордук болиддеринин алгачкы машыгуу жарыштарына жана эркин практикасына жеке өзү байкоо салары күтүлүүдө.

Командалардын расмий машыгуулары жакынкы сааттарда сууда башталат.

Эскерте кетсек, «Суудагы Формула-1» UIM F1H2O турнири 2026-жылдын 31-июлунан 2-августуна чейин Ысык-Көлдөгү Бает айылында өтөт. Бул — Борбордук Азиядагы мындай алгачкы иш-чара.

Буга чейин дүйнөгө белгилүү актёрлор Жеки Чан менен Жан-Клод Ван Даммдын келиши мүмкүн экени кабарланган.