Кыргызстандын фехтование боюнча өспүрүмдөр курамасы Бириккен Араб Эмираттарында өткөн Азия кубогунда 1-орунду ээледи. Бул тууралуу Дене тарбия жана спорт департаментинен билдиришти.
Дубайдагы Азия кубогунда командалык оюндарда Барсбек Райымбеков, Даниил Лепихов жана Рустам Исламов алтын байгеге татып, Кыргызстандын туусун желбиреткен.
Мелдеш 19-21-январь күндөрү болуп өткөн. Курама команда машыктыруучу Даанышман Жумабай уулунун жетекчилиги алдында мелдешке катышкан.
