Өчпөс отко гүл коюу иш-чарасында форма менен калпак кийгени үчүн Ош шаарынын прокурору Кубат Абдраимовго катуу сөгүш берилди. Бул тууралуу Башкы прокуратурадан билдиришти.

Маалыматка ылайык, прокурорду тартип жазага тартуу тууралуу чечим 20-майда чыккан. Абдраимовдун кызматтык этиканы бузганы үчүн ага бериле турган сый акы дагы жокко чыгарылган.

Белгилей кетсек, Кубат Абдраимовдун калпакчан сүрөтү 9-май күнү Ош шаарында чакан курам катышкан Жеңиш күнүн белгилөө иш чарасында тартылган. Анын сүрөтү интернетке тарап кеткен соң аны колдогондор дагы сындагандар дагы болгон.