Ички иштер министри Кашкар Жунушалиев «Азия Ньюс» гезитине каршы “кадыр-баркыма шек келтирди” деген доо арыз менен Бишкектин Октябрь райондук сотуна кайрылган.

Аталган сот Жунушалиевдин арызын канааттандырып, гезитти 1 миллион сом айып пул төлөп берүүгө милденттендирди. Мындай чечимди ишти караган райондук соттун судьясы Тынара Абдиева чыгарды. Бул тууралуу “Азаттык” жазды.

Эскерте кетсек, Жунушалиев «Азия Ньюсту» 2019-жылдын 25-апрелинде чыккан №16 жана 16-майда жарык көргөн №19 сандарындагы макала, коллаждар үчүн сотко берген. Ал «гезиттеги материалдар ар-намысыма шек келтирди» деп, гезиттен 5 миллион сом өндүрүп берүүнү өтүнгөн.