УКМК Баткен облусунун Кадамжай районундагы Ак-Турпак айыл өкмөтүндө коррупциялык схеманы аныктады. Мекеменин мурдагы жооптуу кызмат адамдары жеке турак жай куруу үчүн жер тилкелерин мыйзамсыз берүүгө шектелүүдө.

Тергөөдө аныкталгандай, мурдагы аткаминерлер кызматтык абалынан жеке материалдык байуу максатында пайдаланышкан. Алар мыйзамдарды кыйгап өтүп, жер бөлүштүрүүнүн белгиленген ченемдерин бузуу менен айыл аймагындагы тилкелерди жарандарга берип келишкен.

Кылмыш ишинин алкагында мурдагы кызматкерлер С.М.М. жана М.Ш.М. кармалды. Соттун чечими менен аларга карата үй камагы түрүндөгү бөгөт коюу чарасы тандалды. Атайын кызматтар бул коррупциялык схемага тиешеси бар башка адамдарды аныктоо боюнча иштерин улантууда.