АКШнын Колорадо аймагындагы Боулдер шаарындагы супермаркетте атыш чыгып, анын кесепетинен 10 киши каза болду. Бул тууралуу чет элдик басылмалар жазып чыкты.

Маалыматка таянсак, окко учкандардын арасында 1 күч түзүмдөрүнүн өкүлү бар.

“Курман болгондордун үй-бүлөлөрүнө жана жакындарына көңүл айтабыз. Он киши каза болду”, – деген жергиликтүү полициянын жетекчиси Марис Херольд.

Ал эми кылмышкка шектүү кармалган. Ал дагы атышуу учурунда жаракат алганы айтылат.