Өлкө башчы Садыр Жапаров кол койгон жарлыктарга жана тескемелерге ылайык, Нарын облусунун Жумгал районунда жана Жалал-Абад облусунун Токтогул районунда акимдер алмашты.

Президенттин басма сөз кызматынын маалыматында, Жумгал районунун акими Адыбек Набиев өз каалоосу менен кызматтан бошотулду. Анын ордуна Жаныбек Исаков Жумгал район жетекчиси болуп дайындалды.

Ошондой эле Токтогул районунун акими Акылбек Тюкебаев өз каалоосу менен ээлеген кызматынан бошотулду. Бул кызматка Урматбек Самаев дайындалды.

Дайындоолор Кыргыз Республикасынын Конституциясына жана «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамга ылайык ишке ашырылды.