Токмокто эки адам 9 кабаттуу курулушу бүтө элек үйдөн секирүүгө аракет кылышты. Бул тууралуу Өзгөчө кырдаалдар министрлиги билдирди.

Маалыматка ылайык, 14-декабрь күнү саат 15:00дөр чамасында Жантаев көчөсүндө жайгашкан курулушу бүтпөгөн көп кабаттуу үйдүн үстүнө эки адам чыгып, секирүүгө аракет кылышкан.

Келген куткаруучуларды көргөн кишилер өздөрү ылдыйга түшүп кетишкен.

Буга чейин да аталган үйдүн үстүнө чыгып өз өмүрүнө кол салууга аракет кылгандар көп катталган. Бул курулушу бүтпөгөн имаратты эч ким кайтарбайт.