Ысык-Көл облусунун Жети-Өгүз районунда 17 жаштагы жигит дайынсыз болууда. Бул тууралуу ӨКМдин басма сөз кызматы билдирди.
Маалыматка караганда, Барскоон капчыгайына 2005-жылы туулган А.Ж. аттуу бала козу карын тергени кеткен бойдон дайынсыз болгондугу тууралуу маалымат түшкөн.
Жерине 4 куткаруучу, кошумча ИИМден 10 кызматкер, жергиликтүү тургундардан 4 адам тартылган. Саат 03:15те издөө иштери убактылуу токтотулду, натыйжа болгон жок.
Издөө иштери бүгүн, 20-июль күнү улантылат.
