Казакстанда Facebook менен Instagram социалдык тармактарына кирүү көйгөйлөрү байкалып жатканын жергиликтүү басылмалардын бири иликтеп көргөн.
КазТАГ редакциясы жума күнү саат 12.00 чамасында бул ресурстарга кирүү кыйынчылыгын баштан кечире баштаганын жазды. Сурамжылоонун жыйынтыгында Facebook жана Instagram социалдык тармактары Астанада эле эмес, Казакстандын башка аймактарында да жок экенин тастыктады.
Ошол эле учурда, мисалы, VPN сыяктуу бөгөттөөлөрдү айланып өтүү аркылуу бул ресурстардын сайттары ачылууда. Видео форматтагы эксперименттин жыйынтыгы агенттиктин Telegram каналында жеткиликтүү.
КазТАГдын редакциясы компетенттүү мамлекеттик органдардан бул жагдай боюнча комментарий ала электигин кошумчалады.
Белгилей кетсек, Фейсбук менен Инстаграм Орусияда өз ишмердүүлүгүн токтоткон. Мындан мурдараак Казакстан БУУнун жыйынында Орусиянын аскерлери Украинанын аймагынан чыгышына каршы добуш берген.
