Бишкек-Ош жолунда кырсыкка учурап, каза болгон Нурзат Ажыгожоева бүгүн, 31-мартта Сокулук районунун Ак-Ордо конушундагы үйүнөн акыркы сапарга узатылды.
Акыркы сапарга узатуу зыйнатына жакындары, кесиптештери, маданият кызматкерлери жана башкалар катышты.
Ажыгожоева 1981-жылы Ысык-Көл облусунун Ак-Суу районуна караштуу Ак-Булак айылында туулган. Маркум Сокулук райондук маданият бөлүмүнө караштуу О.Кутманалиев атындагы маданият үйүнүн директору болуп эмгектенип келген. Анын артында 2 кыз, 1 уулу калды.
Жол кырсыгы кечээ, 29-мартта Ош-Бишкек жолунун Суусамыр өрөөнү аркылуу өткөн бөлүгүндө болгон. Анда 1981-жылы туулган Н.А. аттуу аскер кызматкери окуя болгон жерде каза болуп, дагы 5 адам жаракат алып ооруканага түшкөн.
Алдын ала маалыматтар боюнча, аскердик унаанын айдоочусу катаал аба ырайына байланыштуу рулду башкара албай, унаа ала салып кеткен.
